Te vòglio méttere na schiòcca ‘e ròse
‘mmiézo a sti ttrézze d’òro filato !
Dint’a na mùsica, nu munno ‘e còse
t’aggia fà ntènnere cchiù bèlle ‘e te!
Qua’ còre giòvane, qua’ ‘nnammurato,
se po pretènnere cchiù ardènte ‘e me ?
Te vòglio dìcere che è primmavèra
cu na canzóna ca maje nun mòre!
Paròle e mùseca, sciure d’ammóre,
ròse che schiòppano pe te vasà!
Qua’ vóce d’ànema cchiù appassiunata,
che ‘a vócca d’angelo t’a po’ cantà ?
Te vòglio dìcere ca, ‘mmiézo ê stelle,
una cchiù bèlla, no, nun se tròva!
Paròle e mùseca, canzóna nòva,
si sèmpe ‘a càntano nun mòre cchiù !
Tu si’ sta mùseca, bèlla, cu ‘a pròva!
Si’ nu miràculo… chésto si’ ttu !