Piciochedda Paesana lyrics

Piciochedda paesana totu pìbiri e gazosa,

muschitedda puritana a gunnedda vaporosa,

totu beni allichidia cun sa cara che un’arrosa,

candu bessis a merì scianchitendi ses dengosa.

Musconeddu avatu avatu timarosu est castiendi,

passu passu che un’aggatu su mustatzu est acutzendi.

Piciochedda, abarra atenta, mira 'e no ti ponni in giogu:

si muscuni si caentat, tui t’abbruxas cun su fogu.

Pibirura pichiochedda chi gioghitas caminendi,

ddu scis giai di essi bella, a dogna passu sculitendi.

Scapa, scapa a musconeddu ca ti càstiat cun ardori;

piciochedda, aici fendi fais nasci primu amori.

Est s’istòria de dogni una in s’edadi ‘e primavera,

no dongheis crupas a sa luna, ddu scieis chi est afroddiera.

Custu fattu est naturali po totu sa gioventudi.

Piciochedda, sentz’e mali, pura, alloga sa virtudi.