گوێبگرن ئەی هەموو جیهان ئەوە سنووری ئێمەیە
گەرکوردستان پێویستی بێت، هەموو کوردێ پێشمەرگەیە
لەسەر خاکی زێدی خۆمان باجی کوردبونمان زۆر داوە
ئەگەر ماڵەکەمان یەک خەین سەرکەوتن زۆری نەماوە
ئیتر نابێ دەستی ئەنفال پەنجە بۆ ئەم خاکە بەرێ
دەرسمان وەرگرتوە لە مێژوو، ماف نادرێ، ئەسەندرێ
من تەنها یەک خۆزگەم هەیە، بمدیایە بەم چاوانە
کوردستان بۆتە دەوڵەت و ناوی لە ڕیزی ناوانە