O le mafuaaga lenei ua iloa
O le taaga o le tatau i Samoa
O le malaga a teine to'alua
Na feausi mai Fiti le vasa loloa
Na la aumai ai o le atoau
ma sia la pese e tutumau
Fai mai e tata o fafine
Ae le tata o tane
A o le ala ua tata ai tane
Ina ua sese sia la pese
Taunuu i gatai o Falealupo
Ua vaaia loa o se faisua ua tele
Totofu loa lava o fafine
Ma ua sui ai sia la pese
Fai mai e tata o tane
Ae le tata o fafine
Talofa i si tama ua taatia
O le tufuga lea ua amatalia
Talofa ua tagi aueue
Ua oti'otisolo le au tapulutele
Sole Sole, ai loto tele
O le taaloga a tama tane
E ui lava ina tiga tele
Ae mulimuli ana ua a fefete
O atu motu uma o le Pasefika
Ua sili Samoa le ta'taua
O le soga'imiti ua savalivali mai
Ua fepulafi mai ana faaila
Aso faaifo, faamulialiao
Faaatualoa, selu faalaufao
O le sigano faapea faaulutao
Ua ova i le vasalaolao