وهلق روحي لبعيد
بدي كون لحالي
مع الحزن
طاير بسماه
ما سألتك مين أنت أبداً
ليش اخترتيني
انا، اللي لحد مبارح
مفكر حالي ملك
خسارة الحب
وقت اجا الليل
وقت شعرك
بلش يبيض
عمتخاطر بأنك تجن
قلبك رح يفرط
خسارة حبيبتك
وتمني الموت
خليني صيح
وأكفر
وزت حجار
عكل أحلامي اللي بعدا طايرة
بدي حطمهن واحد ورا واحد
بدي كسر جناحات القدر
وبدي رجعك جنبي
على كل حال، أنا بفهمك
وبعترف إني غلطت
كنت عمأختار بدالك
ما بعرف شو كنت عمأعمل
وهلق شو بقي
من كل وقتنا اللي قضيناه مع بعض
رجال وحيد جداً
لساتو بيحبك
خسارة الحب
وقت بيحي الليل
وقت تشوف بوجهك
تجعيدة جديدة ما كانت من قبل
بتدور عالسبب
بتتظاهر أنك ما مهتم
حتى تأدرك
أنك كنت بلا فائدة
بدك تصرّخ
وتخانق السما
بتضرب راسك
بالحيط ألف مرة
بتشم ريح مخدتها بقوة
بتلعن القدر
لأنو مانها جنبك
خسارة الحب
بليلة لعينة
وعمتلملم حطامك
من حياة وهمية
كنت مفكر بوكرا
يوم جديد
بس بتضل تعيد: ما كنت متوقع هالشي
ما كنت متوقع هالشي
وزت حجار
عكل أحلامي اللي بعدا طايرة
بدي حطمهن واحد ورا واحد
بدي كسر جناحات القدر
وبدي رجعك جنبي