Pe la via lyrics

Nu cane spiérzo pe ‘mmiézo Tulèdo

(ve pararrà n’esaggerazzióne)

m’fa fatto tale e tanta ‘mpressióne

ca manco ‘nzuónno sto cchiù cuièto.

Lu malumóre e la cumpassióne

me fanno sbarià quanno me scéto;

me pare tanno di vedérme arrèto

stu cane c’ha perduto lu patróne.

Chélla séra chiuvéva. Arreparato

stév’isso, sótta sótt’a nu barcóne,

sicco, ‘nfuso, abbeluto e appaurato.

Pecché me so’ fermato a lu puntóne?

Pecché a guardarlo me sóngo vutato?

Vuje vedite? Che brutta ‘mpressióne!