Come, boat me ower, come, row me ower,
Come, boat me ower to Charlie;
I'll gi'e John Ross another bawbee,
To ferry me ower to Charlie.
Chorus：
We'll over the water, and over the sea,
We'll over the water to Charlie;
Come weel, come woe, we'll gather and go,
And live and die wi' Charlie.
It's weel I lo'e my Charlie's name,
Though some there be that abhor him;
But O, to see Auld Nick gaun hame,
And Charlie's faes before him!
Chorus
I swear by moon and stars sae bricht,
And the sun that glances early,
If I had twenty thousand lives,
I'd gi'e them a' for Charlie.
Chorus
I ance had sons, I now ha'e nane;
I bred them, toiling sairly;
And I wad bear them a' again,
And lose them a' for Charlie!
Chorus