Onaginam [Transliteration]

Onaginam, senday yaqin do‘st yo‘q ekan,

Mehringga-ku, umuman gap-so‘z yo‘q ekan.

Sen qilgan bu duolar-u tilagingning,

Oldida bosh egaman sof yuragingning.

Qani bitta mo‘jiza ro‘y bersa edi,

Yo bir sehr qo‘llarimdan kelsa edi.

Onajonim, ko‘zlaringda nur bo‘lardim,

Mehribonim, yo‘llaringda gul bo‘lardim.

Onaginam, kel, poyingga men tiz cho‘kay,

Meni boqqan qo‘llaringdan, kel, bir o‘pay.

Bag‘ringga bosh qo‘ysam, g‘amlar chekinadi,

Yuragimdan g‘am-alamlar to‘kiladi.

Qani bitta mo‘jiza ro‘y bersa edi,

Yo bir sehr qo‘llarimdan kelsa edi.

Onajonim, ko‘zlaringda nur bo‘lardim,

Mehribonim, yo‘llaringda gul bo‘lardim.

Qani bitta mo‘jiza ro‘y bersa edi,

Yo bir sehr qo‘llarimdan kelsa edi.

Onajonim, kim bo‘lsam ham bu dunyoda,

Mehribonim, sening uchun qul bo‘lardim.

Onaginam, senday yaqin do‘st yo‘q ekan,

Mehringga-ku, umuman gap-so‘z yo‘q ekan.

Onajonim, tilagim bor alohida:

Asrasin yo Rabbim seni panohida.