Oje ninno lyrics

Oje ninno ca staje arzo e tiéne séte

e ca vaje spiérto na jurnata sana,

l’ammóre è cómm’a ll’acqua ‘e na funtana :

si nun ‘o mména, fa pantano e fète.

‘E ffémmene che sso’? sóngo ‘e ccumète:

vanno cu ‘o viénto ‘e tèrra e ‘a tramuntana.

Cchiù cride d‘e tténe’ dint’a na mana,

cchiù t‘e vvide sfui’ pe ‘mmiéz’ ‘e ddéte.

Oje ninno, si’ figliulo, statte attiénto:

lassala stà, nun te fidà ‘e stu còre:

ca chélla è cómme a nu mulino a viénto:

avòta sèmpe e gira a tutte ll’óre.

Oje ninno, tiéne tròppo sentimènto:

si nun raggiune cómme puo’ fà ‘ammore?