Un inghìriu de abba salida
che mama cun donzi premura,
sa terra pro me pius sigura
inue abbratzare sa vida.
Fizos chi tue as pesadu
dàndeli 'onzi fortuna
a bortas no t'an rispetadu
offrìndeti a chisina sa luna.
Fogos pesados a santos
paris cun binu e allegria,
boghes chi paren ninnias,
turrone e castanza pro totucantos.
Ses carda che fogu 'e foghile,
ses birde in tempus 'e veranu,
su tempus colat galanu,
'erbeghes e 'acas, binu 'onu in sa ide.
Cantos ballados a tundu,
'entos chi pesan su mare,
pitzinnos chi cheren faeddare
sa limba pius bella 'e su mundu.
Cantos ballados a tundu,
'entos chi pesan su mare,
pitzinnos chi cheren faeddare
sa limba pius bella 'e su mundu
… ballados a tundu.