Oggi vogliu sugnà lyrics

Contu l'anni mei chi pianu sò passendi addareddu a chisthi ferri

e puru isthamani veggu chisthu zeru chi arinotti no abia isthelli.

Pianu pianu, una dì noba arribi ma è prizisa a arimani pai me.

Veggu li cumpagni mei, zi manca la famiglia, zi manca l'affettu;

è pa fà passà lu tempu chi ischribimmu léttari pa ga z'aisetta

sempri a casa, ma isthasera si intendi luntanu una bozi cantà.

Oggi vogliu sugnà ca mi dizi bàsgiami

e ca si isthrigni a me drentu a chisthi làagrimi,

e intrendi in chissu lettu dui criadduri drommini;

fàmmiri carignià, vogliu chi si iscéddiani.

Cori meu, vidda mea, eu vi vogliu cun meggu.

Intendu una bozi piegni lamintosa acchì zi ni sò azzendi un asthru.

Mi dumandu cosa ha fattu; dízini: ha furaddu, era un disoccupaddu.

Pariu eu, chidda sera chi mai immintigheggiu, chi vuriu murì.

Cant'è fea chistha prisgioni, inogghi è soru buggiu mai vi sò curori.

Da chissa dì maradetta no aggiu più una vidda ma soru durori.

Pregu a Deu, chi abà mi pentu avveru acchì soggu chi sà pasdhunà.

Oggi vogliu sugnà ca mi dizi bàsgiami

e ca si isthrigni a me drentu a chisthi lagrimi,

e intrendi in chissu lettu dui criadduri dròmmini;

fàmmiri carignià, vogliu chi si iscéddiani.

Cori meu, vidda mea, eu vi vogliu cun meggu.

Cori meu, vidda mea, eu vi vogliu cun meggu.