Oggi o dimane lyrics

Quanti fatti cont'a ggente

Uno 'e ddice e n'ato 'e sente

Ma a ggente, 'o sai, nun sape mai

E parla 'e tutto e parla 'e niente

So parole dint'o viento

E 'o viento, o sai, nun torna mai

Ma oggi o dimane cagnarrà

Vene 'o juorno

Che l'acqua 'e mare fa mbriacà

E si p' 'e mmane restarrà

Sulo fummo, che vuò fa?

Chello ch'é perso è perso già

Ma oggi o dimane cagnarrà

Vene 'o juorno

Ch'o tiempo sperso pò turnà

Ma oggi o dimane cagnarrà

Vene 'o juorno

Che l'erba secca ll'ea brucià

Sai che d'é?

Tieni 'o tiempo a nnanze a te

Oggi è ancora accussì

Ma ll'ore e 'e jurne corrono

E tu cammenanno può truvà

Oro e argiento pe te

Che tutt'attuorno spontano

Tieni 'o tiempo annanze a te

Nun t'o fa arrubbà

'O sole va a carè luntano

Ll'uocchie chiuse e 'e stelle 'mmano

Ma a luna, o sai, nun dorme mai

E nun s'addona quanno schiara

È na lucciola e scumpare

E cchesto, o sai, nun cagna mai

Ma oggi o dimane cagnarrà

Vene 'o tiempo

Ch'o sole e notte po spuntà

Ma oggi o dimane cagnarrà

Chillo è 'o juorno

Che l'erba secca ll'ea brucià

Sai che d'é?

Tieni 'o tiempo annanze a te

E mo' te siente 'e cantà

E mo' te vene a chiagnere

T'addimande che sarrà

Mo' te siente 'e parlà

E mo' nun sai che dicere

Tieni 'o tiempo annanze a te

Nun t'o fa arrubbà

Nun t'o fa arrubbà