O'tiraman [Transliteration]

Хаёлларим олдинг мани,

На кўйларга солдинг мани,

Барбод этиб ҳаловатим,

Юрак торим чалдинг мани.

Ўтираман, ўйланаман,

Тўлғонаман, ҳам ёнаман,

Сенинг мовий кўзларингни

Хумор-хумор соғинаман.

Осмонимда ҳумо эдинг,

Ҳаловатларга бой эдинг,

Ҳуру малаклар ичинда

Манинг учун бир ой эдинг.

Олисдир, юлдузсан бугун,

Топилмас қундузсан бугун,

Иймон дур тошга айланди,

Сан бунда қолдирган тугун.

Хаёл,кўзимда ёшларим,

Ўтиб борар бардошларим,

Тингланг –у, боши эркинга

Кўнгил беринг, дарддошларим!