O, Guide Ale Comes lyrics

I had sax owsen in a pleugh,

And they drew a' weel eneugh:

I sell'd them a' just ane by ane -

Guid ale keeps the heart aboon!

O, guid ale comes, and guid ale goes,

Guid ale gars me sell my hose,

Sell my hose, and pawn my shoon -

Guid ale keeps my heart aboon!

Guid ale hauds me bare and busy,

Gars me moop wi' the servant hizzie,

Stand i' the stool when I hae dune -

Guid ale keeps the heart aboon!

O, guid ale comes, and guid ale goes,

Guid ale gars me sell my hose,

Sell my hose, and pawn my shoon -

Guid ale keeps my heart aboon!