O cohors milicie [Neapolitan translation]

O cohors milicie

floris virge

non spinate,

tu sonus

orbis terre

circuiens regiones

insanorum sensuum

epulantium cum porcis,

quos expugnasti

per infusum adiutorem

ponentis radices

in tabernacula

pleni operis Verbi Patris.

Tu etiam nobilis es gens Salvatoris,

intrans viam

regenerationis

aque per Agnum,

qui te misit in gladio

inter sevissimos canes,

qui suam

gloriam destruxerunt

in operibus digitorum suorum,

statuentes non manufactum

in subiectionem manuum suarum,

in qua non invenerunt eum.