V. O clarissima
mater sancte medicine,
tu unguenta
per sanctum Filium tuum
infudisti
in plangentia vulnera mortis,
que Eva edificavit
in tormenta animarum.
Tu destruxisti mortem,
edificando vitam.
R. Ora pro nobis
ad tuum natum,
stella maris, Maria.
V. O vivificum instrumentum
et letum ornamentum
et dulcedo omnium deliciarum,
que in te non deficient.
Gloria Patri et Filio
et Spiritui Sancto.
R. Ora pro nobis
ad tuum natum,
stella maris, Maria.