’O cafè lyrics

’O latte è buono

e ’a ciucculata è doce,

e pure ’a cammumilla bene fa;

rinfresca l’orzo e ’o vino fa felice,

e sulo l’acqua ’a sete fa passà.

Ma ’nu milione ’e gente

’e Napule comm’a me

nun vonno sapé niente,

e campano co ’o cafè.

Ah! Che bello ’o cafè!

Sulo a Napule ’o sanno fà;

e nisciuno se spiega pecché,

è ’na vera specialità, ah!

Ah! C’addore ’e cafè

ca se sente pé ’sta città;

e ’o nervuso, nervuso comm’è,

ogni tanto s’ ’o va a piglià.

Comme nasce tu siente ’o bebbè

ca dice: «Ngué ngué,

’nu poco ’e cafè!»

E l’inglese se scorda d’ ’o tè

si vene a sapé

’n espresso che d’è.

Ah! Che bello ’o cafè!

Sulo a Napule ’o sanno fà.

E accussì s’è spiegato pecché

cà pé tutta jurnata,

na tazza po’ ’n’ata,

s’accatta se scarfa e se veve ’o cafè.

Pè vevere ’o cafè

se trova ’a scusa:

i’ l’offro a ’n ato

e ’n ato l’offre a me;

nisciuno dice ‟no”

pecché è n’offesa:

só già sei tazze

e songh appena ’e tre.

Ma mentre faccio ’o cunto

n’amico me chiamma: «Ué!

E fermate nu mumento,

vevimmoce nu cafè!»

Ah! Che bello ’o cafè!

Sulo a Napule ’o sanno fà;

e nisciuno se spiega pecché,

è ’na vera specialità, ah!

Ah! C’addore ’e cafè

ca se sente pé ’sta città;

e ’o nervuso, nervuso comm’è,

ogni tanto s’ ’o va a piglià.

Comme nasce tu siente ’o bebbè

ca dice: «Ngué ngué,

’nu poco ’e cafè!»

E l’inglese se scorda d’ ’o tè

si vene a sapé

’n espresso che d’è.

Ah! Che bello ’o cafè!

Sulo a Napule ’o sanno fà.

E accussì s’è spiegato pecché

cà pé tutta jurnata,

na tazza po’ ’n’ata,

s’accatta se scarfa e se veve ’o cafè.

Che bello ’o cafè!