Nunn'è cosa lyrics

'Nu juorno me diciste: "Nunn'è cosa"

Tra l'aria 'nfosa

E po' m'annascunniste 'mmiezo 'e rose

Senza cchiù spine

'Sta vocca nun me po' cchiù cunsulà

'A voce vene meno ma vo' cantà

Si nunn'è cosa, lassame sta'

Fa' finta 'e niente, nun me penzà

Si nunn'è cosa e mo' che chiagne a fa'?

E chi me parla 'e te è gente curiosa

Senza 'na scusa

Che è stato? Che è succieso? Che t'ha fatto?

Curtielle 'mpietto

Pure 'o nemico me vo' cunsulà

'A voce vene meno ma vo' cantà

Si nunn'è cosa, lassame sta'

Fa' finta 'e niente, nun me cercà

Si nunn'è cosa e mo' che chiagne a fa'?

Suspira, avota 'a capa e guarda allà

Nun so' penziere tuoje...

Si nunn'è cosa e mo' che chiagne a fa'?

Suspira, avota 'a capa e guarda allà

Nun so' penziere tuoje...

'O saccio già