(Nəqarət)
Bu oyunların sonuna udan uduzan dedilər
Yazdığımız sətirlərə güldülər, asan dedilər
İllərlə baş kəsib, qan içib doymayan bəşəriyyət
Allahu Əkbər! deyib oxunsun Azan dedilər
(Bənd)
"Öz əsərlərində yaşayanlar ölmür" yazıb dahilər
Unudulduğunuz yerlərə "Fəxri Xiyaban" dedilər
Yelkənsiz gəmiləri sahibsiz buraxan sahillər
Boğulan insan görüb qoy ölsün nadan dedilər
Daşlanmış qadının fəryadı göyə sovrulanda
Şəriyyətdə belədi, qanun buyurub Qur’an dedilər
"İnsanları niyə bədbəxt elədiniz?" soruşanda
Bizlərdə nə şərəf var, nə də vicdan dedilər.
Küçədə yatanların ağrı, əzabı gözə görünməz
Sökülən daxma yerinə tikilir fontan dedilər
Dedilər Şəhidlər ölməz, guya ki Vətən bölünməz
Satılan torpaqların şərəfinə şampan dedilər.
"Müharibə davam etsə
tökülər qan" dedilər,
"Bizə vacib həyatda pul
birdə can" dedilər.
Bəs Vətən, şəhidlər, itirilən Torpaqlar?
"Bilmirik nə qədər itirib Azərbaycan" dedilər.
Mətnimə yaşadan sətrimə dərman dedilər
Sinəmə orden taxıb qətlimə fərman dedilər
Qəlbdə bağırırdım üzdə it kimi hürürdüm
Sən hür yavaş-yavaş gedir karvan dedilər
Analarımın tapdalanmış haqları unuduldu
Xaşxana fahişələrinə şöhrət ilə şan dedilər.
Şuşada Xarı Bülbül solub quruduldu
"Günahkar biz deyilik, rus və Köçəryan" dedilər
Benzin bahalaşmasaydı özümüzü yandırardıq
"Benzin nəyivə gərəydi, elə-belə yan" dedilər
Biz qansaydıq hamını qandırardıq
Niyə bizə nökər özlərinə xan dedilər?
Batdıqca batırıq günah ümmanında
Ölün batın qalın lüt-üryan dedilər
Okaberəm, yığışdıq Canavar ünvanında
"Nədi canavar? Hansı ünvan?" dedilər.
(Nəqarət)
Bu oyunların sonuna udan uduzan dedilər
Yazdığımız sətirlərə güldülər, asan dedilər
İllərlə baş kəsib, qan içib doymayan bəşəriyyət
Allahu Əkbər! deyib oxunsun Azan dedilər