Notte de chelu lyrics

Notte de chelu est custa, dogni sinu

de allegria si sentit bundare,

ca in sa grutta est nadu su Bambinu

dae s'inferru pro nos liberare.

Est nadu, est nadu, est nadu su Bambinu.

Benide, 'enide totus a l'ammirare,

Benide a l'adorare,

'enide a l'adorare e a l'amare.

Leat sa paza sa manutza santa,

L’isparghet in terra pro bi giogare

E in oro si jambat tota canta

E fiorit in rosas e in gesminu.

Est nadu, est nadu...

Pòberos, ricos, mannos e minores,

Fathemus festa in giru a cuss’altare,

Che a sos Cherubinos e pastores

Jesús nos ponzat su chelu in su sinu.

Est nadu, est nadu...