Նոր տարի [Nor tari] lyrics

Շնորհավորում եմ ձեր նոր տարին,

Ճամփան բացվի ղարիբ յարին,

Արևն անմար խաղաղության

Լույսն է վառում ողջ աշխարհի:

Այս նոր տարին բարի լինի,

Աղուհացով տարի լինի,

Չարը չքվի, բարին տիրի:

Խաղաղ կյանքն աշխարին լինի:

Կարմիր գինու կարասը բեր,

Ներսը գարուն, դուրսը ձմեռ.

Հե՜յ անցողիկ դարդիման մարդ,

Սիրող սիրտս սրտիդ ընկեր:

Այս նոր տարին բարի լինի,

Աղուհացով տարի լինի,

Չարը չքվի, բարին տիրի:

Խաղաղ կյանքն աշխարին լինի:

Գուսան Աշոտ սեղանդ բաց,

Կյանքիդ մի տարին էլ գնաց.

Քանի սերունդ եկան անցան,

Բայց նրանցից ո՞րը մնաց:

Այս նոր տարին բարի լինի,

Աղուհացով տարի լինի,

Չարը չքվի, բարին տիրի:

Խաղաղ կյանքն աշխարին լինի: