Nocte Amīcā Amantibus lyrics

Scīlicet, perspicuumst (quid?)

quā sit farīnā rēs (quā est?):

Cupīdō nesciōs adoritur

restatque dē asse bēs! (Prō!)

Lymphant crepuscula omnīs

tam lēniter locōs

et tot profūsīs dulcēdinibus

manet ruīna nōs!

Both: Nocte amīcā amantibus,

vidēsne, in omnīs rēs

concordiā quā tandem ūnanimā

īnfunditur quiēs?

Simba: Quīnam nārrandō fīet,

ut rēs aperta sit?

quae, vēra sī dē mē illī... Fugiet,

simul mē audīverit.

Nala: Tacēre nesciōquid

eum jubet metus.

Quīn esse vult, quem inesse videō

rēgem medullitus?

Both: Nocte amīcā amantibus,

vidēsne, in omnīs rēs

concordiā quā tandem ūnanimā

īnfunditur quiēs?

Both: Nocte amīcā amantibus,

nē longius spectēs,

lābimur per noctis dubia.

Ēn, hīc sunt: hīc amēs.

Hīs nox sī amīca amantibus,

rēs aperta fit.

Lūsūs nostrōs prō | āctīs habeās!

Quid plūra? Jam perīt