Ninni-nanna lyrics

Sott'a lu ponte

ci luce la luna...

E stelle in celu

un ne manca manc'una.

Dormi.

In li castagni

si lagna lu ventu,

u nostru lume

sarà prestu spentu.

Dormi.

Ind'una casa

- ma quale sarà ! -

batte lu stacciu

e si senti cantà.

Dormi.

U ghjattu maio

s'alliscia u mustacciu,

pianta la voce,

si cheta lu stacciu.

Dormi.

U ghjagaru abbaghja,

una sgiotta bela,

s’empie la stanza

d’adoru di mela.

Dormi.

Dumane anderemu

à la vigna, induva

i fighi so’ dolci

e matura l’uva.

Dormi.

So tanti mesi

che no simu soli,

a guerra ha pigliati

i babbi a i figlioli.

Dormi.

Mi frighje lu core

un ne possu più,

lascia pienghje a mè

sta notte, ma tu

Dormi.