Ninna nanna pe’ ‘sta criatura
Che va pe’ ‘mmare dint’a notte scura
Duorme, ca si t’adduorme presto
Nun vene la tempesta
Duorme duorme, ca ‘sta carretta
Si duorme po’ naviga’ cchiù in fretta
Naviga, naviga tutto ‘o mare
C’avimmo attraversare
Naviga, naviga e nun se stanca
Si ‘sta criatura vene da Sri Lanka
Naviga, naviga e nun se sperde
Si vene ‘a Capoverde
Duorme e sonna tutte ‘e giardine
‘E chesta terra ca s’avvicina
Chesta terra ca t’appartene
Si ce sta chi te vo’ bene
Ninna nanna pecché stu mundo
Chillu Dio che l’ha criato l’ha fatto tundo
E ce sta posto pe’ tutte quante
Si l’ha fatto accussì grande
Si l’ha fatto accussì grande