Sutta la to finestra
ci siminasti sciuri ;
e doppu cincu misi
garofani sbucciaru.
Sù tutti bianchi e russi
comu la to facciuzza.
Bedda tu si "Nicuzza"
comu li ciuri tò.
Bedda di l'arma mia,
la notti cchiù nun dormu;
e passu li nuttati
fora di casa mia.
L'amuri miu è granni,
cchiù granni di lu mari.
Ti vogghiu maritari,
nun pozzu stari cchiù
Nicuzza duci!...
Nicuzza bedda!...
dunami, dunami
'na vasatedda.
Amuri miu!...
gioia di l'arma,
di lu me cori
lu focu carma.
Sugnu capaci
pi ttia suffriri.
Si tu non m'ami
è megliu muriri.
Siddu pi zitu
tu scegli a mia,
iu ti maritu
quannu vo' tu