Bei Fraulück hatt ich bisher kaum Jlöck jehat,
un trotzdem weiß ich nit, wat ich falsch jemaat.
Ich ben vun Natur us fründlich un scheu,
einfach, korrekt un immer treu.
Bewiese kunnt ich dat bes jetz noch nit,
weil mir jeder Versuch e Körfje jitt.
Ich weiß, dat ich ne klitzekleine Fehler han,
un dat kütt bei de Fraue üvverhaup nit an.
Refrain:
Ich ben ene Nichttänzer.
Han ne Knöddel en de Bein.
Ich ben ene Nichttänzer,
Flamingo met zwei dönne Bein.
Ich bin ein Nichttänzer.
Un ben nit jän allein, nä, nä, nä, nä ..
Ich han av un zo schon ens Kontak jehat,
ävver immer widder leef dat nit esu jlatt.
Bei lange Spazierjäng durch der Wald
han ich dann vun minger Hobbies verzallt.
Ich sammele jän un kumm an alles dran,
Bierdeckel, Breefmarke und all su ne Krom.
Dät e Mädche mich froge: Wellste danze jon?
Do wood ich janz blaß un mot ihr jestonn:
Refrain
Ävver irjendwann, jo do wor ich et satt,
un weil ich su en Angs vür de Danzschull hatt,
han ich mir doheim e Hätz jepack
un han en dann jesöök - der Tak.
Ich loch op der Äd, de Bein hingerm Kopp,
han alles durchlidde vun Walzer bis Rock.
Ich ben en en Disco ren un daach,
hück läuf et jot,
han e Mädche jefroch, doch dat wood janz rut un sat:
Entschuldjen se
Ich ben ene Nichttänzer.
Ich bin ein Nichttänzer.
Do sat ich: Es et dann möchlich!
Ich ben och ene Nichttänzer!
Öm ihrlich ze sin, ich kann et janit.