Невесто калеш убава
Невесто калеш мори убава,
што кротко одиш леле на вода.
На таја чешма леле студена,
со тие стомни леле шарени.
Дали тежат леле стомните
или ти тежит леле ѓерданот?
Дали тежат леле стомните
или ти тежит леле ѓерданот?
Нити ми тежат леле стомните,
ниту ми тежит леле ѓерданот.
Туку ми тежит леле меракот,
меракот ми е леле далеку.
Меракот ми е леле далеку,
во таја пуста леле Битола.
Во таја пуста леле Битола,
во тие темни леле зандани.