Nei giardini che nessuno sa [Venetan translation]

Tasta chea pèe ruspiosa,

Un gran fredo sol cuor

Fa fadiga anca na eàgrema a vegnér xo.

Massa atese so un cantón,,

Gioie che no e ne apartién,

'Sto momento inconciliabie xoga a to sfavor.

Eco come che se finisse

Inciodài a un balcón

Spetatori tristi

De feissità impossibie

Tanti viagi rimandài sì

Vaìse vòde da 'na vita

Chel doeor che no ti capissi còssa che xe

Soeo eo no'l te assarà mai

Oh, mai

Xe 'na tana chel mal star,

Massa frèta a cresser.

No se fa più miràcoi

Dèsso non più

No sta badarghe a chee piàvoe

No sta tocar chee medisìne

Chea suora ea ga un bel caratere,

Ghe sa far coe persone.

Te darìa i me òci par veder queo che ni ti vedi

L'energia, ea feissità par farte vegner un soriso.

Dirte sì, sempre sì e riussir a farte voear

Dove che ti vól, dove che ti sa, sensa chel peso sol cuor.

Scondarte 'e nùvoe, chel inverno che fa mal.

Curarte 'e ferite e po' qualche dente de più par magnar.

E po' vederte rider e po' vederte corer da novo.

Desmentega, ghe xe chi che desmentegarte

Par sbalio un fior, 'na domenega.

E po' siensio, e po' siensio

Siensio

Nei giardini che nissùni conosse

Se respira l'inutiità

Ghe xe rispeto, tanta puissìa,

Par quasi folia

No ti sa quanto che xe bèo strinxerte,

Ritrovarme qua a difendarte,

E vestirte e petinarte, sì

E mormorarte "no sta moear"

Nei giardini che nissùni conosse,

Sta vita se strassina cussì,

Soeo doeori, pìcoi problemi,

Semo gninte sensa fantasie.

Tienli su, giùtei, te prego, no sta asssrli cascar.

Picoi, fragii, no sta negarghe un fià del to amor.

Stee che dèsso e taxe, ma e darà un segno del céo

I òmeni no i slùsega se no i xe stee anca iori.

'E man che dèsso e trema, parché el vento tira più forte

No sta assarli, dèsso no, che no i cata ea morte.

Semo nialtri i ebeti, che anca se gavemo no demo.

Desmentega, ghe xe chi che desmentegarte

Par sbalio un fior, 'na domenega.

E po' siensio, e po' siensio.

Siensio.