Sapy’ántepa ikatúne kuarahy pytû akúgui
nde resa kuarahy’ãme aguahê apytu’umi
ndijavyinteva ku chéve ysatî opupúva hína
amambái roky apytépe nde resakuéra mimî.
II
Pyharépa rehecháva ñasaindy pereperépe
jasymi oike ha osêva araípe oñemo’â
ha ndave ku upeichaitéva rejere ha rejerévo
omimbi ha iñypytûva nde resa kuarahy’â.
III
Ajuhu mba’e iporâva che py’a guive ahayhúva
yvypórape omoîva jeguakáramo Tupâ
ysyry rendaguemícha hovyû ha ipyko’êva
vevuimínte ahêtuséva nde resa kuarahy’â.
IV
Reikuaáma arohoryva reikuaáma mamoitépa
sapy’a amanoha ára ikatúne che ñoty
che rejántekena Mirna nde resa kuarahy’âme
tosyry jepi anda che ári tapia nde resay.