Nce stéva na vota [Italian translation]

Nce stéva, nce stéva na vòta,

nu còre, nu còre a vint'anne...

Sperava, redéva, scartava l'affanne,

sultantu cu 'e stélle vuléva parlà!

Nce stéva, nce stéva na vòta,

na vócca, a vint'anne, cianciósa...

Spannéva, redènno, l'addóre 'e na ròsa

e quanno parlava faceva 'ncantà!

E 'o còre, ncantato, sbatteva,

e 'a vócca, redènno, cantava...

E n'ànema apèrta, tremmanno, sunnava

ca sèmpe sta vócca vuléva vasà!

Ma quanno, 'int'o ffuóco cucènte,

'mpazzute da 'e suónne d'ammóre,

partèttemo 'nzième, sta vócca e stu còre

mmiscanno p'a strata nu vaso e nu "sì",

'o còre capètte int' niénte,

d'a primma vutata d'a via,

ca chélla vucchélla dicéva a buscia...

E sóngo vint'anne, ca mòro, accussì!