صاحبة الصون و العفاف
احلى واحدة في البنات
اللي عمر ما قلبي شاف زيها في المخلوقات
تسمحيلي برقصة هادية
تسمحيلي بقربي منك
حلم عمري تكوني راضية عن وجودي بس جنبك
يا خلاصة الجمال يا نشيد العاشقين
يا اجابة عن سؤال كان شاغلني من سنين
كان سؤال عن مين حبيبتي
مين هتبقى أساس حكايتي
و الإجابة كانت انتي
انتي كنتي غايبة فين
يا حبيبتي انتي نوري
انتي احساسي بحياتي
انتي مالكة من شعوري كل ماضي و كل ات
انتي مفتاح الحياة للي نفسه يعيش سعادة
قلبي محتاجلك معاه وكل يوم يحتاج زيادة