Nasciarà lyrics

Abarà una casa tutta soia,

li jogghi li più beddi v'abarà,

li così più impusthanti di la vidda,

la mamma l'è aisittendi cun faddigga.

La primma camminadda aisettu sempri,

candu mi ciamma babbu chi è ridendi,

e cun chiss'occi poi cumprendarà

tuttu l'amori chi li vogliu dà.

[Turradda:]

E nasciarà da chisth'amori puriddu

vissuddu sempri cun la sinziriddai,

cun tantu amori lù chi abemmu zischaddu

e l'occi beddi chi v'hai puru tu.

E abarà sempri un lettu fattu d'amori

e affaccu a noi sì pò ischasdhì sempri in cori

puru sì nò abaremmu a drummì la notti,

ma gandu drommi z'abarà a sugnià.

Abà priparu tuttu, dai chi andemmu,

nò veggu l'ora, juru, d'abbrazzallu,

nò trimurà, nò debì di timì,

amori, chisthu fiori fai arribì.

Eu pregu soru chi sia beddu e sanu,

chi in chistha vidda possia andà luntanu,

fiori di casa, eri lu sogniu meu,

cun mamma toia ringraziemmu a Deu.

[Turr.:]

E nasciarà da chisth'amori puriddu

vissuddu sempri cun la sinziriddai,

cun tantu amori lù chi abemmu zischaddu

e l'occi beddi chi v'hai puru tu.

E abarà sempri un lettu fattu d'amori

e affaccu a noi sì pò ischasdhì sempri in cori

puru sì nò abaremmu a drummì la notti,

ma gandu drommi z'abarà a sugnià.