ناس بترقص و ناس بتموت [Nas betoros w nas betmot] [English translation]

الحقيقة واضحة وضوح الشمس

لكن ممنوع الاقتراب أو اللمس

كلمة الحق في الزمان ده انتحار

لو قلتها تبقى ماشي عكس المسار

عندي بدل الأمارة ألف أمارة

مالكوم اكس و غاندي و تشي جيفارا

ماتو بالرصاص عشان حسوا بالناس

قال ايه كانوا عايزين العدل يكون اساس

جرب تقول حرية او عدالة اجتماعة

جرب تقول مساواة او كرامة انسانية

جرب تقول حقوق انسان او تعارض النظام

اوعي تفكر.. تفكيرك خط احمر

اخرك هاتقدر تاخذ عيش عشان يسكتوك

مش عشان تعيش

و لو صممت تمشى عكس الناس

الأجابة هاتكون بالرصاص

ناس بترقص و ناس بتموت

و أعلى صوت فى الحفلة صوت السكوت

(x2)

الجهل وحش و من صناعة الأنظمة

سلاح بينفع فى كل الأزمنة

أدى الناس سمكة هايأكلوا يوم

علم الناس الصيد هايأكلوا كل يوم

العلم نور و النور علينا مش بيعدى

عايشين فى ظلمة والظلمة ياما بتخبى

قتل , حبس , دم , فساد و ظلم

اغتصاب لأى حلم عايشين فى سجن

و مع الوقت كل حاجة بتعدى

أكل العيش صعب بيخلى العقل يصدى

و الخوف ساكن قلوب الناس

و بيقتل جواهم الأحساس

يا اهالينا ده المستقبل لينا

ماتبقوا انتوا والزمن علينا

جيلكم ساكت ولا عمره اتكلم

دلوقتي جاي ينظر ويعلم

ان الاوان الراية تتسلم

ناس بترقص و ناس بتموت

و أعلى صوت فى الحفلة صوت السكوت

(x2)