Napule ca se ne va [Italian translation]

E sò sbarcate 'nterra Marechiare

Tre cumitive 'e vascio à Sanità:

Sò ddoje coppie 'e 'nnamurate,

Ddoje maestre 'ngannaccate

Cu 'e marite e 'nu cumpare

Viecchio "capo 'e suggità".

E che tavula speciale!

'Nterra 'o cato cu 'a frutta e 'o vino,

'Nu mellone dint'à cantina,

'O cumpare dint'à cucina

Ca discute cu 'a principale.

E 'a luna guarda e dice:

"Si fosse ancora overo!

Chisto è 'o popolo 'e 'na vota,

Gente semplice e felice!

Chist'è Napule sincero,

Ca pur'isso se ne va".

Divotamente mo se fanno 'a croce,

Comm'è ll'usanza, primma 'e accummincià.

'O cumpare ch'è 'struito,

Fa 'nu brinnese "in pulito".

Lie risponne, a una voce,

Tutt' 'a tavula: "Addò va!"

'A siè Rosa ca se cunzola

Pe' 'sta voce ch'è fina e bella,

P' 'a canzona ch'è "Palummella",

Palummella ca zompa e vola.

E 'a luna guarda e dice:

"Si fosse ancora overo!

Chisto è 'o popolo 'e 'na vota,

Gente semplice e felice!

Chist'è Napule sincero,

Ca pur'isso se ne va".

'E ttre ffamiglie tornano vuccano,

'Nu poco fatte a vino tutt''e ttre.

A varchetta 'e ccunnulea,

'Na maestra scapuzzea,

'O cumpare parla 'e quanno,

Quanno 'o guappo era 'nu rre.

'E ffigliole, pe' sottaviento,

Mo se fanno 'na zuppetella

Cu 'e taralle 'int'a ll'acqua 'e mare.

Ll'acqua smoppeta fragne e pare

Ca 'e mmanelle sò tutte 'argiento.

E 'a luna guarda e dice:

"Si fosse ancoraovero!

Chisto è 'o popolo 'e 'na vota,

Gente semplice e felice!

Chist'è Napule sincero,

Ca pur'isso se ne va".