ئەی ئەو کچەی پایزانیش
بەرگت سەوزەو
گوڵی تەڕ ئەدەی لە سەرت
خەو مەبینە قۆڵ و باسکم
پشتێنێک بێت بۆ کەمەرت
تۆ نەتدیوە چۆن ئاگری پیری
بەربوەتە تاڵی سەرم
زۆر ئەترسم
دارستانی قژی ڕەشت بگرێتەوە
تۆ نەتدیوە پەنجەکانم
ده چڵی وشك و برنگن
گەر ببنە شانەی قژت
ساتێ نابا ئەشکێنەوە
لۆمەم مەکە گەر دیت چاوم
هەردەم وەك هەوری زستان بێ!
من کەناری شیعرم بەسە
باوەشم بۆ بگرێتەوە
ئەگەر هاتوو لە گۆ کەوتم
بزانە کە
نەمتوانیوە شیعرێ بڵێم
ئازارمی یا جێبێتەوە
هۆنراوە : محەمەد عومەر عوسمان