يا ليل يا عينى يا ليلى
يا ليلى يا ليل
ناس عيشتها ارتاحت
وناس ريحتها فاحت
وناس بانت وعلت
وناس فى الزحمة تاهت
ناس بتسهر كل يوم
وناس تقضى عشاها نوم
وناس بتطلع فى العلالى
وناس بتطلع من الهدوم
ناس طايرة فوق البساط
وناس عايشه حياتها اقساط
وناس لابسة حرير فى حرير
وناس نايمة على البلاط
انا لا عايز قصر ولا براح
انا عايز اقف فى طابور مرتاح
واجيبلى عيشى واروح بيتى
وانام وانا ضميرى مرتاح
لا عايز اشربها معدنية
كفاية عليا من الحنفية
يا خوفى ليقطعوها عليا
وافضل انادى واقول يا مية