安平追想曲 [Ān píng zhuī xiǎng qǔ]

身穿花紅長洋裝，

風吹金髮思情郎，

想郎船何往，

音信全無通，

伊是行船抵風浪？

放阮情難忘，

心情無地講，

相思寄著海邊風。

海風無情笑阮憨，

啊～不知初戀心茫茫。

想起情郎想自己，

不知爹親二十年，

思念想欲見，

只有金十字，

給阮母親做遺記，

放阮私生兒，

聽母初講起。

愈想不幸愈哀悲，

到底現在生亦死？

啊～伊是荷蘭的船醫。

想起母子的運命，

心肝想爹也怨爹，

別人有爹疼，

阮是母親晟，

今日青春孤單影，

全望多情兄，

望兄的船隻，

早日倒返安平城。

安平純情金小姐，

啊～等你入港銅鑼聲。