Muzere mia [Italian translation]

Muzere mia, pomposa e galana,

est acisada che maju fioridu.

Iscuru a mie cando so sididu,

a conca bascia mi ch’ando a funtana.

Muzere mia mi faghet su lettu,

sa parte sua assetiadu e deretu,

sa parte mia totu mal'atrossadu.

Ahi, ite muzere chi ap'agatadu!

Birori Borore, Borore Birori, Birori Borore e Macumere

Muzere mia faghet macarrones,

'nde faghet tres e paren ischidones;

'nde ruet unu e bochit su cateddu:

muzere mia no jughet chelbeddu.

Muzere mia, cando coghet peta,

issa si mànigat sa pulpa neta,

a mie mi lassat s'ossu rosigadu.

Ahi, ite muzere chi ap'agatadu!

Birori Borore, Borore Birori, Birori Borore e Macumere

Muzere mia, cando coghet sucu,

issa lu cundit cun loroddu e mucu,

a mie mi narat chi est casu tratadu.

Ahi, ite muzere chi ap'agatadu!

Muzere mia, si comporat binu

si che'nde bufat su mesu in caminu,

a mie mi narat: “est male mesuradu”.

Ahi, ite muzere chi ap'agatadu!

Birori Borore, Borore Birori, Birori Borore e Macumere

Muzere mia, cando pedit fogu

issa l'ispraminat peri su logu,

a mie mi narat chi no'nde l'an dadu

Ahi, ite muzere chi ap'agatadu!

Muzere mia si ch'andat a missa

ma 'onzi butega si zirat issa,

a mie mi narat chi at cominigadu.

Ahi, ite muzere chi ap'agatadu!

Birori Borore, Borore Birori, Birori Borore e Macumere

Muzere mia, muzere mia,

muzere mia si ch'andat a missa

pro adorare, pro adorare,

pro adorare a Santu Pantaleo.

Issa li pregat chi mi molza deo

e deo li prego chi si molzat issa.

Ma deo li prego chi si molzat issa.

Birori Borore, Borore Birori, Birori Borore e Macumere