Muxbeçeyên meyfiroş
Her seherê tên sema
Badexwiran noşi-noş
Mane li dorê cema
Hin gulê bo`enber in
Hin di şîrîn esmer in
Hin guherî-dane yin
Mislê Suheylê sema
Hin zerî ne pirsir in
Ser bi per in dêmdur in
Min ko di çerxê we dî
Sebr û qerarim nema
Sebr û qerarim ko bir
Can û ceger hûr dikir
Zulmê we reng kê dikir
Can dibir û dil teba
Can û dilê min ew e
horiweşê min ew e
Padişehê min ew e
Ez li derê wî geda
Yarê ko dî em geda
Dest-i bi destê me da
Em bi semayê birîn
reqs û sema jê we ma
Gote me durdane yî
Em ji te û tu ji me yî
Lew bi heqîqet yek in
Mes`ele bêşubhe ma
Dame bi destê sirê
Cama ji rengê durê
Cezbe giha can û dil
Pir şewişandin hema
Bade mi noşî ji dest
çûme ji xwe mame mest
Qetre bi behrê giha
Behr-i bi `eynê xwe ma
Gûş-i bi `amê mede
Terka medamê mede
Ekseruhum fî xuma
Exlebuhum fî `ema
herf-i ji yek bûne feşl
Ger bibirî wan bi eşl
herf-i dibit yek xetek
Xet ko nema nuqte ma
Wehdet-i mutleq Mela
Nûr e di qelban cela
Zor-i di vê mes`elê
Ehlê dilan şubhe ma