Mundus pateat [This is Halloween] lyrics

Fīda arcānīs oritur nox:

oculī vigilent; taceat vōx.

Circumsistite quadrivium:

cāne senex, patefac mundum.

Mundus pateat! Mundus pateat!

Rumpe silentia, Plūtō holerum!

Mundus pateat: cito metus adimat,

nī cui crustula bona dare libitum.

Omnis plēbs jam timeat!

Mundus noster jam pateat!

Ille ego, quī īnsidior lectō

dente micāns rutilānsque oculō.

Ille ego, quī īnsidior scālīs:

anguis in ungue, lycōsa comīs.

Mundus pateat! Mundus pateat!

Pateat! Pateat! Pateat! Pateat!

Hymnum nunc vōs plantīs

canite Cucurbitoīdēīs!

Hymnum nunc nē dēserite hunc:

nova sine numerō ineunt scaenam.

Cave ab hāc situlā: latet homicīda;

jamque adgreditur, ut exclāmēs: "Heu mē!"

Bene pateat, lūbricet, oleat.

Formīdāsne? Solet fierī.

Jace bis, jace ter: can’ abigere quater.

Nocte triceps Hecatē tē fert.

Popule, timē! Popule, timē!

Est jam tempus: munde, patē!

Dum mihimet faciem rapiō,

hīc ego tunc: ubi nunc? Fugiō.

Dīc "Quis adest?"; et "Adest" ego sum.

Aura capillum ego turbo tuum.

Larva ego nigra colo Lūnae orbem:

bene dormī: prope tē vigilem.

Mundus pateat! Mundus pateat!

Pateat! Pateat! Pateat! Pateat!

Dulcis tū īnfāns ubicumque es,

vītae taedet, nī trepidēs.

Ars nostra est - mala nec facimus:

nam nostrā arte patet mundus.

Hymnum nunc nē dēserite hunc:

nova sine numerō ineunt scaenam.

Titus est Taphius lemur homirapius:

strix ut strīdit et hominī animam ēvellit!

Bene pateat! Popule, timē!

Aperī nostrō bona itinera ducī.

Tite, tūte, Taphī, Colocynthidorīx,

euge, triumpe, Cucurbituāns!

Mundus pateat! Mundus pateat!

Pateat! Pateat! Pateat! Pateat!

Hymnum nunc vōs plantīs

canite Cucurbitoīdēīs!

Pateat! Pateat! Pateat! Pateat!

Pateat! Pateat! Pateat! Pateat!