ساعات أقوم الصبح
قلبي حزين
أطل برا الباب
ياخذني الحنين
اللي إشتريته إنباع
واللي لقيته ضاع
واللي قابلتو راح
وفات الأنين
وأرجع واقول
لسه الطيور بتفن
والنحليات بتطن
والطفل ضحكه يرن
مع إن مش كل البشر فرحانين
حبيبي سكر مر
طعم الهوى
فرق ما بين قلبين
ما عدناش سوى
حرام عليك يا عذاب
نبقى كده أغراب
دا البعد جرح من غير دوا
أدي اللي كان
وأدي القدر
وأدي المصير
نودع الماضي
وحلمه الكبير
نودع الأفراح
نودع الأشباح
راح إللي راح
ومعادش فاضل كتير
إيه العمل دي الوقت يا صديق؟
غير إننا عند إفتراق الطريق
نبص قدمنا، ع شمس أحلامنا
نلقاها بتشق السحاب الغميق