Miseria lyrics

—Mammà! Nu pòco 'e pane...—Figlia mia!

Te l'aggio ditto ca nun ce ne sta!

Giesù, Giesù, sta pòvera Sufia

me fa spàrtere ll'ànema!...—Mammà!...

—Aspètta figlia!... Guarda mmiéz'a via,

ca chésta è ll'óra solita ‘e papà...

Miéttence 'a mana, Vérgena Maria!

Nun saccio pròpio cchiù cómm'aggi’a fà!

Giesù, Giesù, che vita disperata!

Fósse sulo pe mme, nun ‘mpurtarria!

Ma è pe ‘sta piccerélla sbenturata!

Nun chiàgnere, nennè, bèll'e mammà!

Nun chiàgnere, si no cade malata...

Nu muórzo 'e pane... e nun ce 'o pòzzo dà!