Ah, ccà! Mirrina e reggiti a lu ventu
E vatti lu violu cantu cantu
A nomu di lu Santu Sacramentu
Lu Patri, Figliu e lu Spiritu Santu
Lu Patri, Figliu e lu Spiritu Santu
Taglia la spiga ncentu voti ncentu
E mentri ca tu giri, iu cacciu e cantu
Ah ccà! Mirrina, ca nta stu furmentu
Lu suli d’oru ci jttau lu mantu
Lu suli d’oru ci jttau lu mantu
Ora ca l’aria fu vutata para
Prestu ca po’ v’asciuga la sudura
Curremu ca lu suli ca nn'affara
Di quannu agghiorna nsinu a quannu scura
Di quannu agghiorna nsinu a quannu scura
Amuri, tu lu sai 'sta vita è amara
E sai comu la siti nni turtura
Si scontri a Nina cu la sò quartara
Dicci ca Turi sò mori d’arsura
Amuri, tu lu sai 'sta vita è amara
E sai comu la siti nni turtura
Si scontri a Nina cu la sò quartara
Dicci ca Turi sò mori d’arsura