Mir sin Kölsche us Kölle am Rhing lyrics

[Refrain]:

Mir sin Kölsche us Kölle am Rhing

Mir sin stolz do drupp

Un uns kritt keiner klein

Du triffs he an jeder Eck

'Ne janz besondre Jeck

Mir sin Kölsche us Kölle am Rhing

Mir sin nit grad en Weltstadt

Dat iss uns scheissejal

Doch he triff sich Jott un alle Welt

Dat is bei uns normal

Und meddendrin do steiht hä

Schon bal zick dausend Johr

He weiß jenau uns Eijenaat

Die bliev su wie se wor

[Refrain]

Mer fiere Fastelovend

Mit Stunk un Komitee

Mir stonn op de Fortuna

Op Haie un FC

Mer fiere uns jän selver

Am leevst et janze Johr

Üvver uns weed of jelaach

Doch dat mät uns keen jraue Hoor

[Refrain]

Mir han dä Kölsche Klüngel

Un dä is uns offmals rääch

Durch uns Stadt läuf jrau un dreckisch

Dä Rhing su singe Wäch

En kölsche Schnüss steiht niemols still

Sät immer wat se will

Doch de Haupsach es et Hätz is joot

Un dovon hammer vill

[Refrain]

Mir sin Kölsche us Kölle am Rhing

Jo mir sin Kölsche us Kölle am Rhing