من غير ليه [Min Gheer Leih] lyrics

جايين الدنيا ما نعرف ليـــــــــــــه

ولا رايحين فين ولا عايزين ايــــه

مشاوير مرسومه لخطاوينـــــــــا

نمشيها في غربة ليالينـــــــــــــــا

يوم تفرحنا ويوم تجرحنــــــــــــا

واحنا ولا احنا عارفيـــــــــن ليـه

وزي ما جينا جينــــــــــــــــــــــا

ومش بادينا جينـــــــــــــــــــــا

زي ما رمشك خذ ليالـــــــيّ

وحكم وامر فيها وفـــــــــــــــيَ

ولقيت بيتي بعد الغربة

وقلبك ده وعيونــــــــــــــــــــــك ديّ

ولقيت روحي فأحضان قلبك

بحلم واصحى واعيش على حبك

حتى في عز عذابي بحبك

عارف ليه؟ .. من غير ليــــــــــــــه

من غير ليه آه يا حبيبي بحبــــــك

ياللي زماني رماني في بحر عنيــك

ونساني وقالي : انسانــــــــــــــي

بحر عنيك يا حبيبي غريـــــــــــق

لكن فيه احلى ليالي زمانـــــــــــي

تهت وتاهت دنيتي منـــــــــــــــي

بين افراحي .. وبين أشجانـــــــي

دنيتي غنـــــــــــــــــــــــــوة .. لأ

تنهيـــــــــــــــــــــــــــــــــدة .. لأ

لأ شيء تاني .. لأ شيء تانـــــــي

دنيتي حبك

حاجه حاسسها لامسها

شايفها لكن ولا اوصاف توصفهــا

واحلم لو غمضت عنيـــــــــــــــه

احلام حلوه .. كتير ورديـــــــــــه

فيها عيون وخدود وشفايـــــــف

بتطير فيّ فوق ليالـــــــــــــــــــي

لما بشوفك القاك احلى

من الاحلام كل الاحــــــــــــــــــــــــلام

ياللي ايديك سهرّت الدنيا

ورمشك حضن السحر ونــــــــــــام

وده ليه يا تــــــــــــــــــــــــــرى

يجراللي اللي جـــــــــــــــــــرى؟

واما بفكراسقيك اكثر

مابتسقيني الحب ليـــــــــــــــالــــــــــي

ما لقاش فرحه جات على بالي

الا وحبك فرحهــــــالـــــــــــي

حبيبي .. آه يا حبيبــــــــــــــــــي

كل مافيك يا حبيبي حبيـبــــــــــي

شعرك ليلي جبينك قمــــــــــــري

حبك رحلة عمري وقـــــــــــدري

ليلي حلي عمري حلــــــــــــــــي

وكل شيء بالكون حلــــــــــــــي

لكن هناك تنهيــــــــــــــــــــــــده

في القلب اللي م الخوف ما خلــي

يقول يا فرحة اتمهلـــــــــــــــــي

وتمهلي وتمهلــــــــــــــــــــــــي

ده المبتلي بالـــــــــــــــــــــــحب

مهما تهنى برضوا مبتلـــــــــــي

خايف طيور الحب

تهجر عشها وترحل بعيـد

خايف على بحر الدفا

ليلة شتا يصبح جليــــد

خايف لا بكره يجينا

ياخذنا من ليالينــــــــــــا

سكة عذاب تاه فيها

احباب كثير قبلينــــــــــا

عارف كل الخوف

من بكره ده ليه يا حبيبـي؟

عارف سر عذابي

وحيرتي ده ايه يا حبيبــي؟

علشان انت الروح

في الدنيا اللي بعيش فيها

وانا من غيرك

كل حياتي تضيع بعديهــــــــا

مش معقول يا حبيبي

ابدا مش معقــــــــــــــــــــــــــول

القدر اللي هداني بحبك

يوم من الايام يبقى عــــــــــذول

مش معقول حبنا يا حياتي

يقدر يقسى وينسى احبابــــه

بعد ما كنا في حضنه ليلاتي

نرجع تاني نقف على بابه

روح يا حزن روح

اوعى تقرب لينــــــــــا

ده احنا حبايب

حبنا مهنينـــــــــــــــــــــــا

والحب روحنا وارضنا وسمانـــــــــــــــــا

ويا حزن قولي منين بقى حتجينـــــــــــــــا

علي بيتنا بالحب

النجوم متجمعــــــــــــــه

على بابنا شجرة ورد

حلوه مفرعــــــــــه

على كل شباك

الف شمعه مولعــــــــــــــه

ويا حزن قولي

منين بقى حتجينـــــــــــــــا

يا عيون قلبي يا احلى عيــــــــــــــــــــون

يالله نعيش وكفايه ظنــــــــــــــــــــــــون

يالله نخلي عمرنا كله كله ليلـــــــــــــــــــه

بعيدة عن الحرمان وعن الاحــــــــــــزان

وان لام حد علينا نقولــــــــــــــــــــــــــــه

لولا الحب ما كان في الدنيا ولا انســــــان