[Refrain:]
Mer losse d'r Dom en Kölle, denn do jehöt hä hin.
Wat sull dä dann woanders? dat hät doch keine Senn.
Mer losse d'r Dom en Kölle, denn do es hä zo Hus.
Un op singem ahle Platz, bliev hä och joot en Schuss.
Un op singem ahle Platz, bliev hä och joot en Schuss.
Stell d'r vür, d‘r Kreml stünd om Ebertplatz,
stell d'r vür, d‘r Louvre stünd am Ring.
Do wör für die zwei doch vill ze winnich Platz,
dat wör doch e unvorstellbar Ding.
Am Jürzenich, do wör vielleich et Pentajon,
am Rothus stünd dann die Akropolis.
Do wöss mer üvverhaup nit, wo mer hinjon sullt,
un doröm es dat eine janz jeweß:
[Refrain]
Die Ihrestroß, die hieß vielleich Sixth Avenue
oder die Nord-Süd-Fahrt Brennerpaß.
D'r Mont Klamott, der heiß op eimol Zuckerhot,
do köm dat Panorama schwer en Brass.
Jetz froch ich üch, wem domet jeholfe es,
wat nötz die janze Stadtsanierung schon?
Do sull doch leever alles blieve, wie et es,
un mir behalde unsere schöne Dom.
[Refrain]