Mening yorim Qo'qonda lyrics

Mani yorim Qo‘qonda,

Panjarali do‘konda. (2x)

Hali kelsa ko‘rasiz,

Qosh-qovog‘i muqomda.

Gul bargi shona-shona,

Qo‘limda angishvona,

Angishvona demanglar,

Sevgan yordan nishona.

U yoniga tashlab o‘yna,

Bu yoniga tashlab o‘yna,

Sumbul sochi jingalak,

Yonboshga tashlab o‘yna.

Olma bersam omaysan*,

Behi bersam yemaysan,

Qaysi boyning o‘g‘lisan-ey,

Aytkizvorsam kemaysan*.

Doirangning qasqoni,

Ipi bormi osgani,

Yoshligingda o‘ynab ol,

Yoring bormi to‘sgani?

U yoniga tashlab o‘yna,

Bu yoniga tashlab o‘yna,

Sumbul sochi jingalak,

Yonboshga tashlab o‘yna.

Mani yorim Qo‘qonda,

Panjarali do‘konda. (2x)

Hali kelsa ko‘rasiz,

Qosh-qovog‘i muqomda.