من قال [Men gal] [Transliteration]

من قال إني مرتاح

من قال لك إني في البعد مرتاح

كذاب، خذ مني العلوم الأكيدة

مهموم وطول الوقت والحال يا صاح

كل يوم في ناقص ولا شي في ايده

لا جيت هم القلب والروح ينزاح

وتعود الأحلام الليالي السعيدة

نفسي تجي ونعوض العمر لي راح

وتبدا معي في الحب رحلة جديدة

مذبوح لك مشتاق والشوق فضّاح

والقلب ما به غير كلمة وحيدة

كلمة "أحبك" عمرها من زمن فاح

والنفس غيرك ترفضه ما تريده

مطعون قلبي في الهوى كله جراح

دواه عندك عالجه لا تزيده

طعناتي ما هي من سكاكين ورماح

من سيف حبك من مسافة بعيدة