مليون عام [Melyon Aam] lyrics

انا سكوتي ذهب يوم القصايد كلام

اهز بيض الورق ويطيح منها قصيد

حركت غصن المشاعر لين طار المنام

ومرت طيوفك وسرتني لدربٍ بعيد

تعال ياحب أعيشك حُب مليون عام

تعال واسكن حبيبك كل عرق ووريد

يا اعذب من الما وارق من الندى والغمام

حرام اظما غلاتك وانت للقلب سيد

انا عشقتك بداية وانا نجم بسماك

يا أول الحب وانت يالقديم الجديد

سولف تفاصيل حبك وانا كلي غرام

كل ما انتهت سالفه قلت بالله عيد

تعال ياحب أعيشك حُب مليون عام

تعال واسكن حبيبك كل عرق ووريد

انا خفوقي بقربك مرتوي ما يضام

انا ارتوي بك محبة وقلت بالله زيد

تموج بي المشاعر الين بحر الهيام

ودي أسافرك وارحل بك لعالم جديد

يا اصدق الناس في دنيا كلام وزحام

ودّي أعيشك في دنيا وانت فيها وحيد

تعال ياحب أعيشك حُب مليون عام

تعال واسكن حبيبك كل عرق ووريد

لو المحبه تجي برماح والا سهام

اعيش بتراب حبّك واندفن به شهيد