Մայրիկ ջան [Mayrik jan] lyrics

Դաժան քամին վարդն իր թփից շուտ տարավ,

Նոր էր բացվել` արևի շողին ծարավ,

Անմահ սերը սրտիս թողեց ու թռավ,

Թռավ գնաց հոգուս սիրուն թռչունը,

Փշրվեց իմ սիրով լի սրտի սյունը:

Մի փունջ վարդ էր,

Անգին զարդ էր,

Մայրի՛կ ջան:

Կյանքիս ճամփին

Արեգակ էր,

Մայրի՛կ ջան:

Իմ մուրազը սրտին թռավ ու գնաց,

Արտասվեցին մեր լեռները սիգապանծ,

Արև, լուսին անգամ արին սուգ ու լաց,

Իր բլբուլը միշտ վշտահար պիտ երգի,

Չի կշտացել նրա արև վառ դեմքից:

Գուսա՛ն Աշոտ, կորցրիր սիրած յարդ,

Բախտի քամին կտրեց քո սիրո լարը,

Հավերժ երգիր, գետնով չտաս քնարդ,

Երգերիդ մեջ միշտ կհիշես սիրածիդ,

Ա~խ վայ կասես` նրա սերը քո սրտիդ:

Մի փունջ վարդ էր,

Անգին զարդ էր,

Մայրի՛կ ջան:

Կյանքիս ճամփին

Արեգակ էր,

Մայրի՛կ ջան: